Đơs tàm dơ̆ Dà lơgar yờ sa, Kwang ătbồ lơgar Italia, đơs nền: Việt Nam là dùl lơgar tam klăc lơh broă bal kwơmàng gơ wèt mờ bơta tàm pơnring mờ gơguh jak bơh Ấn Độ Dương- Thái Bình Dương dê, kơnhoàl ù tiah mờ lơgar Italia gam ngai sơlơ sền gròi ngan, ờ tŭ lơi tam gơl tàm Broă lơh jŏ jòng bơh Mpồl Tam klăc câu Âu dê.

Ưn ngài jơnau đơs do bơh Kwang ătbồ lơgar Italia dê, Củ tịc lơgar ồng Võ Văn Thưởng yal wơl ală broă cribơyai mờ Kwang ătbồ lơgar mờ Kwang đơng lam bồ kâp dờng lơgar Italia dê tàm dơ̆ lòt còp dơ̆ do, Củ tịc lơgar pà gĭt, 2 gah yal tơngĭt kơ̆p kờñ mờ jơh nùs ai gĭt gơ̆p Tam klăc lơh broă bal jŏ jòng đah 2 lơgar tus dùl tŭ tơngai pa, pràn kơldang mờ geh cồng nha rlau, tă pơgồp tàm ală jơnau kờñ bal bè bơtàu tơnguh kơ̆ kơl jăp mờ bơsong ală broă gùt plai ù jăt tàm bơta tàm pơnring bal mờ geh kwơ bal, ngui geh bơta ƀươn, bơta tơl pràn bơh tơl lơgar dê, tài bơta kwơ bơh làng bol 2 lơgar dê, tài ring lơngai, lơh broă bal mờ bơtàu tơnguh tàm tiah do mờ tàm dunia.