Đơs tàm dơ̆ pơrjum, Củ tịc lơgar ồng Võ Văn Thưởng sồr ƀòn dờng pal lơh jat niam broă lơh bơt bơtàu, lơh niam wơl Đảng mờ ală anih lơh broă cíñ trị. Đơs sùm, pal ơn làng bol là tờm ngan tàm broă bơtàu tơnguh, Củ tịc lơgar sồr ƀòn dờng pơn jat tai lơh pràn bơtàu tơnguh bơta niam chài, mpồl bơtiàn, bơto bơtê, sền gròi pràn kơl dang să jan, tơnguh uă bơta niam rài kis làng bol in; lơh geh bơta pràn tơrgùm bal bơh tàm làng bol, bơt bơtàu bơta rcang lài nùs nơm làng bol pràn kơl dang, kơ̆ kơljap.

 Củ tịc lơgar kung sồr ƀòn dờng Hồ Chí Minh lơh niam uă ngan bơta ƀuơn, bơta pràn, gơnoar broă, anih lơh broă ù tiah cíñ trị tàm broă lơh lơh broă mờ lơgar ndai, tơnguh uă cồng nha lơh broă bal bơtàu tơnguh lơh sa- mpồl bơtiàn mờ tìp mat lơh kuèng dunia mờ ală lơgar tàm dunia, ngan là ală lơgar tàm tiah dềt dà dờng Mekong, ală lơgar Asean, ală lơgar lơh broă bal dờng.