Củ tịc lơgar ồng Võ Văn Thưởng neh tus bal mờ đơng lam pơrjum. Đơs nền Hà Nội là plai nùs bơh gùt lơgar dê, là tiah tờm cíñ trị dà lơgar, Củ tịc lơgar ồng Võ Văn Thưởng sồr Hà Nội pơlam lơh jat uă nùs nhơm: Bơtàu tơnguh lơh sa là kơnòl tờm, bơt bơtàu Đảng là bơta tờm, bơtàu tơnguh niam chài là bơnàng jă nùs nhơm mờ sền gàr dà lơgar, sền gàr lơngăp lơngai là broă lơh tờm mờ geh lơh sùm.

Củ tịc lơgar ồng Võ Văn Thưởng kung sồr Hà Nội gròi sền bơt bơtàu mpồl ling, mpồl lơh broă geh phàu crong ƀòn dờng kơ̆ kơljap, pràn kơldang, tơl làm mờ rơndap tap sèng khà dipal, geh nùs nhơm cíñ trị kơ̆ dơn, jơh nùs mờ Đảng, mờ dà lơgar mờ làng bol; jak bè bơta chài tam lơh, mờng chài lơh broă, lơh jat niam jơnau sồr rơcang lài tam lơh uă, sền  gàr kơ̆ kơljap, ờ lời càr lơgar gơtìp rơmơp ndơl tàm tơl bơta gơlik geh.