Củ tịc lơgar gờm chờ ală Đại sứ dờp lơh kơnòl broă tàm lơgar Việt Nam, kơ̆p kờñ ală Đại sứ mờ bơta mờng chài lơh broă geh uă bơh he dê, tă pơgồp chồl tơnguh bơta gĭt gơ̆p đah 2 gah đah lơgar Việt Nam mờ ală lơgar.

Wă Đại sứ lơgar Bulgaria, Củ tịc lơgar đơs là, Việt Nam mờ Bulgaria là lơgar lơh broă bal kwơ màng mờ sồr 2 lơgar sùm tàm pơgơl mpồl kwang bàng kấp dờng mờ ală kấp lòt còp bal mờ gơ̆p, tìp mat lơh kwèng ală tiah mờ tìp mat lơh kwèng làng bol, bơh hơ̆ lơh geh bơnàng jă kơ̆ kơl jăp ai lơh broă bal đah 2 lơgar dê. Den tàng, 2 lơgar pal pơn jat tai sơlơ tơnguh lơh broă bal mờ dong kờl bal mờ gơ̆p tàm ală dơ̆ cribơyai dunia mờ uă lơgar. Wă Đại sứ lơgar Tây, Đại sứ lơgar Tây tơngŏ mờ Củ tịc lơgar ồng Võ Văn Thưởng nùs nhơm pơn yờ să ngan geh dờp lơh kơnòl broă tàm lơgar Việt Nam tàm tơngai bơta gĭt gơ̆p lơh bơyô bal đah 2 lơgar bơtàu tơnguh niam bơnĕ. Tơngai tus, lơgar Tây rơ̆p lơh pràn lơh broă bal mờ lơgar Việt Nam bè khoa họk, bơto bơtê, ngan là gah bơto bơtê đại họk.