Củ tịc lơgar ồng Võ Văn Thưởng đơs nền bơta kuơ bơh dơ̆ lòt còp Việt Nam dơ̆ do bơh mpồl dê là tŭ nàng 2 gah bal mờ gơp cribơyai bè ală gùng dà lơh broă bal Việt Nam- Nga, tàm hơ̆ geh lơh broă bal đah 2 Đảng, 2 dà lơgar. 2 nă kwang đơng lam bồ ring bal tàm tơngai tus rơp pơn jat tai sơlơ tơnguh tìp mat lơh kwèng niam chài, tìp mat lơh kwèng làng bol; ngui niam gơnoar broă bơh ală Mpồl git gơp lơh bơyô bơh 2 lơgar dê, nàng kờñ sơlơ tơnguh rlau tai bơta git wă, kung bè prap gàr ală bơta kuơ niam bơnĕ bơh bơta git gơp lơh bơyô ờs mờng mờr 75 nam.

Củ tịc lơgar kung ưn ngài mờ sồr lơgar Nga pơn jat tai sền gròi, lơh gơlik bơta niam ai mpồl bơtiàn cau Việt Nam tàm lơgar Nga ơm kis, lơh broă, bơsram jŏ jòng mờ kơ̆ kơljap.