Củ tịc lơgar ồng Võ Văn Thưởng ai lơh chờ hờp ngan bè cồng nha lơh broă bal đah 2 lơgar tàm tơngai lài mờ bơta pin dờn ngai sơlơ geh tơnguh, lơh gơlik bơnàng jă ai ală broă lơh lơh broă bal đah 2 lơgar in. Tàm gah lơh sa, Củ tịc lơgar ồng Võ Văn Thưởng đơs là, Nhờk là lơgar lơh broă bal kuơmàng khà dùl bơh Việt Nam dê. Bơh cồng nha lơh broă bal 50 nam do, Củ tịc lơgar ồng Võ Văn Thưởng sồr 2 lơgar pơn jat tai sơlơ tơnguh broă tàm pơgơl, cribơyai broă kwang bàng kâp dờng, cribơyai bal nàng tơnguh bơta git gơp 2 lơgar tàm tơngai tus; pơn jat tai sơlơ tơnguh lơh broă bal đah 2 lơgar tàm tơl gah lơh sa, kă bro, bơcri priă, bơto bơtê mờ bơsram, khoa họk kông nghệ, niam chài…