Tàp dơ̆ wă, Củ tịc lơgar Võ Văn Thưởng chờ gờm Đại sứ neh lơh gơs jăk chài kơnòl broă tàm lơgar Việt Nam; đơs niam ală broă pơgồp bal niam mờ geh cồng nha bơh Đại sứ dê tàm broă lơh niam bơnĕ rơlao tai bơta lơh gơ̆p bơyô mờ lơh broă bal đah lơgar Việt Nam mờ lơgar Pakistan tàm tơngai do, tàm hơ̆ uă ngan là broă pơgồp bal bơyai lơh uă broă lơh geh kwơ màng di dơ̆ bàr lơgar tơnkah 50 nam ngai crơng gơs bơta git gơ̆p lơh broă bal mờ lơgar ndai tàm nam 2022.

Củ tịc lơgar sồr bàr gah tơnguh broă pơgơl mpồl kwang bàng kấp Ƀộ, gah lơh broă dà lơgar, ală càr, ƀòn dờng ală mpồl lơh sa kă bro, mpồl tam klăc bal, tìp bal làng bol mờ mpồl nghị sĩ gơ̆p bơyô nàng tơnguh jơnau git wă bal, lơh đềt mềr nùs nhơm gơ̆p bơyô đah lơgar Việt Nam mờ lơgar Pakistan. Bàr gah pal lơh ngan lơh geh cồng nha rơlao tai tàm ală gah broă kă bro, bơcri priă, tơnguh uă rơlao taikhà priă kă bro đah bàr lơgar dê.