Đơs niam ồng Jadamba Enkhbayar mờ Mpồl kwang bàng bè ală jơnau sồr lơh broă bal, Củ tịc lơgar ồng Võ Văn Thưởng đơs loh, Việt Nam mờ Mông Cổ là 2 lơgar bơyô bơh yau, làng bol 2 lơgar geh bơta tam klac bal đềt mềr jŏ rài. Mờr 70 nam do, bơta git gơp lơh bơyô đah 2 lơgar ngai sơlơ geh lơh kơ̆ kơljap, bơtàu tơnguh pràn kơldang.

Tàm dơ̆ wă, Củ tịc lơgar ồng Võ Văn Thưởng đơs là, bơh cồng nha kuơmàng bơh bơta git gơp lơh broă bal 2 gah dê, 2 lơgar rơp bal mờ gơp pơn đơl pràn sơlơ tơnguh bơta git gơp mờ lơh broă bal tơl làm rlau tàm tŭ tơngai pa. Nàng lam lơh jat ngan ngồn jơnau kờñ do, Củ tịc lơgar sồr 2 gah sơlơ tơnguh ală broă lơh tàm pơ gơl cribơyai mpồl kwang bàng tàm jơh bal kâp dà lơgar mờ kâp hơ đơm; bơh hơ̆ sơlơ tơnguh bơta git wă, tàm pin dờn bal mờ gơp, lam lơh ală broă lơh lơh gơlik bơta ƀuơn rlau tai ai broă lơh tìp mat lơh kwèng bal mờ gơp đah làng bol 2 lơgar.