Tàm dơ̆ wă, Củ tịc lơgar ồng Võ Văn Thưởng nting bơr gờm chờ lơgar Campuchia bơyai lơh geh cồng nha niam bơnĕ dơ̆ tĕ khà Hội đồng xã, sơnah ƀòn khoă V; lơh geh cồng nha gơnoar broă Củ tịc ASEAN mờ AIPA tàm nam 2022, dong gơnoar broă mờ bơngă pin dờn dunia bơh Campuchia dê geh tơnguh. Củ tịc lơgar pà git, 2 lơgar neh bơyai lơh geh cồng nha uă dơ̆ lòt còp kwang bàng kâp dờng đah 2 Đảng, 2 dà lơgar; priă lơh geh bơh kă bro 2 lơgar lơh geh cồng nha niam; ală broă lơh lơh broă bal lơh sa, tìp mat lơh kwèng làng bol geh lơh duh hồl, tàm hơ̆ geh tìp mat lơh kwèng làng bol 2 lơgar tàm ală càr tiah nhàr dà lơgar.

Củ tịc lơgar ồng Võ Văn Thưởng ring bal mờ Phó Thủ tướng ồng Samdech Krolahom Sar Kheng bè broă dong sơlơ tơnguh lơh broă bal tiah nhàr dà lơgar bơh ală mpồng nhàr dà lơgar, dong lơh gơs broă wah nhàr, tồt jrong gùng nhàr dà lơgar ù gờl, bơh hơ̆ dong sơlơ tơnguh broă bơt bơtàu tiah nhàr dà lơgar ring lơngai, lơh bơyô, lơh broă bal mờ bơtàu tơnguh.