Đại sứ lơgar Kộng hoà Italia ồng Antonio Alessandro ưn ngài ală anih lơh broă geh gơnoar bơh lơgar Việt Nam dê neh pơgồp bal, dong kờl nàng Đại sứ in lơh gơs niam kơnòl broă, pơgồp bơnah tơnguh bơta gĭt gơ̆p 2 lơgar.

Củ tịc lơgar ồng Võ Văn Thưởng pà gĭt, ală cồng nha lơh geh kwơmàng tàm gĭt gơ̆p lơh bơyô bal, lơh broă bal bơh lơgar Việt Nam mờ Italia dê neh geh lơh mpờl gŏ loh mờ đơs sùm uă dơ̆ tàm ală dơ̆ cribơyai, tìp măt đah ală kwang đơng lam bồ 2 lơgar dê tàm dơ̆ lòt còp pa do. Củ tịc lơgar Việt Nam đơs là, bulah dờp kơnòl broă tàm lơgar Việt Nam tàm tơngai kal ke tài bơh kòp dờng Kovid-19, mơya bal mờ bơta lơh ngan bơh Đại sứ dê, pơgồp bơnah gàr sùm gĭt gơ̆p lơh broă bal, tam klăc đềt mềr đah 2 lơgar, bal mờ gơ̆p dong kờl bal sơrlèt gan kal ke mờ pơn jăt tai lơh geh ală cồng nha niam bơnĕ. Bơh kal ke, lơgar Việt Nam mờ Italia sơlơ đơs nền geh nùs nhơm gơ̆p bơyô song niam lời ai gơ̆p in.