Tàm dơ̆ wă rò, Đại sứ lơgar Kazakhstan ồng Yerlan Baizhanov yal bè nùs nhơm tam klăc bal đềt mềr ngan bè dà lơgar mờ kòn bơnus Việt Nam dê; mơkung pà gĭt, tàm tơngai lơh broă bơh ồng dê, neh dờp geh bơta dong kờl, pơgồp bal niam ngan bơh Ƀộ Ngoại giao mờ ală anih lơh broă geh gơrềng bơh lơgar Việt Nam dê.

Củ tịc lơgar ồng Võ Văn Thưởng đơs sùm, lơgar Việt Nam mờ Kazakhstan geh uă bơta ndrờm bal bè jơnau kah yau, niam chài; ndrờm sơrlèt gan bal uă bòl glar, kal ke tài broă lơh tam lơh jòi geh bơta lơngăp lơngai is jơi bơtiàn in bơh tơl lơgar dê lài do mờ tŭ do, 2 lơgar là ală cau bơyô niam bơh gơ̆p dê. Củ tịc lơgar pin dờn bal mờ bơta gĭt wă jrô ơnàng làm uă bè niam chài, dà lơgar, kòn bơnus Việt Nam dê, tàm gơnoar broă lơh lơi, Đại sứ ồng Yerlan Baizhanov kung rơ̆p sơlơ kờñ gơboh tai Việt Nam, sùm là cau bơyô đềt mềr, sùm tă pơgồp mờ sơlơ bơtàu tơnguh gĭt gơ̆p lơh bơyô bal ờs mờng bơh yau đah Việt Nam mờ Kazakhstan.