Củ tịc lơgar pà gĭt, tơngai rềp ndo, Củ tịc lơgar mờ Kwang ătbồ lơgar Mông Cổ neh geh uă dơ̆ tìp măt 2 gah, bơh hơ̆ sơlơ tam klăc đềt mềr rlau pin dờn cíñ trị mờ sơlơ tơnguh tai lơh broă bal đah 2 gah. Chờ hờp tŭ gĭt gơ̆p lơh sa, kă bro đah 2 lơgar geh uă bơta tam gơl niam, Củ tịc lơgar ồng Võ Văn Thưởng kơ̆p kờñ priă geh bơh kă bro đah 2 lơgar dê gờñ lơh geh khà 200 tơlak dolar Mỹ, gơguh bàr dơ̆ pơndrờm mờ tŭ do.

Củ tịc lơgar jờng rơ ngan broă 2 Viện Kiểm sát bơh 2 lơgar dê neh geh broă lơh kĭ hơ lơh broă bal bơh nam 2014 bal mờ uă cồng nha niam ngan, bơh hơ̆ tă pơgồp uă ngan tàm bơta gĭt gơ̆p 2 lơgar. Tàm dơ̆ lòt còp dơ̆ do, 2 Viện Kiểm sát neh geh uă tơngume lơh broă bal kwơmàng, pơgồp bơnah lơh jrô ơnàng rlau tai bơta gĭt gơ̆p 2 lơgar.