VOV4.K’ho- Tàm dơ̆ lơh broă tàm càr Quảng Nam, Củ tịc lơgar ồng Nguyễn Xuân Phúc tus bal mờ đơs tàm Pơrjum tơnguh bơta kuơ kơnuh sơnơm Ngọc Linh gơs mat kă bro dà lơgar.

Đơs tàm pơrjum, Củ tịc lơgar ồng Nguyễn Xuân Phúc dùl dơ̆ tai đơs nền wơl bơta pin dờn gơtùi ai phan kuơ dà lơgar kơnuh sơnơm Ngọc Linh gơs broă lơh sa dà lơgar drơng rài kis làng bol, là bơta kơp kơnờm pa bơh Việt Nam dê tàm gah lơh sơnơm mờ thựk phẩm cứk năng. Mờ bơta pràn phan bơna, drà kă bro mờ bơta kuơ bơh kơnuh sơnơm Ngọc Linh dê, Củ tịc lơgar đơs là, Việt Nam geh bơnàng jă nàng bơtàu tơnguh dùl gah lơh sa mờ măi mok tam mờ lơh gơlik kơnuh sơnơm bơh Việt Nam dê mờ jơnau kờñ tơmàn dolar bơta kuơ lơh sa mờ tac hờ ală lơgar tàm nđờ jơt nam tus. Nàng lam lơh jơnau kờñ do, Củ tịc lơgar đơs là, kờñ geh bơta dong kờl bơh Cíñ phủ, ală ƀộ, gah broă lơh dà lơgar mờ ală càr, ƀòn dờng, mpồl lơh sa kă bro. Củ tịc lơgar đơs nền pal bơtàu tơnguh mat kă bro kơnuh sơnơm Ngọc Linh là mat kă bro dà lơgar, ờ di mìng là mat kă bro bơh dùl phan bơna halà bơh mpồl lơh sa kă bro dê.

Cau mblàng K’Duẩn