VOV4.K’ho - Drim òr (27/01), tàm gơlang Củ tịc, Củ tịc lơgar ồng Nguyễn Xuân Phúc wă Tiến sĩ Kusumi Mari, Củ tịc Kông ty TNHH Bơto bơtê gah lơh sơnơm lơgar Nhờk. Tàm dơ̆ wă, Củ tịc lơgar ồng Nguyễn Xuân Phúc pơn jờng mò Kusumi Mari, Củ tịc Kông ty TNHH Bơto bơtê gah lơh sơnơm lơgar Nhờk neh bơcri priă tàm lơgar Việt Nam mờ rơndăp broă lơh bè hìu bơsram mờ hìu sơnơm.

Tiến sĩ Kusumi Mari ưn ngài Củ tịc lơgar neh ai tơngai wă mờ yal bè rơndăp broă tŭ do gam geh lơh tàm lơgar Việt Nam. Mò đơs geh lơh ngan lơh gờñ hìu sơnơm tàm lơgar Việt Nam mờ ngui ală kông nghệ pa ngan tàm broă lơh sơnơm kung bè kỹ thuật sơm kòp gơguh jăk bơh lơgar Nhờk. Đơs là broă lơh bal bơto bơtê mờ bơsram bal mờ tam jào kông nghệ là ală broă sền gròi lài ngan tàm lơgar Việt Nam, Củ tịc lơgar kơ̆p kờñ Tiến sĩ Kusumi Mari geh lơh ngan rơlao tai chồl pràn nàng gờñ lơh gơs rơndăp broă.

Cau mblàng Ndong Brawl