VOV4.K’ho - Đơs tàm dơ̆ lơh broă bơh Mpồl kwang bàng ala măt Quốk hội ƀòn dờng Hồ Chí Minh mờ UɃÑZ ƀòn dờng tàm mho òr (13/10), bè broă lơh sa mpồl bơtiàn mờ lơh jăt Nghị quyết sồ 54 bơh Quốk hội, Củ tịc lơgar ồng Nguyễn Xuân Phúc đơs là, tus tŭ do, ƀòn dờng Hồ Chí Minh pal geh kơ cế krơi is pa pràn rơlao nàng Ƀòn dờng khin kơlôi, khin lơh, tơnguh bơtàu pràn rơlao.

Củ tịc lơgar ồng Nguyễn Xuân Phúc geh jơnau đơs tàm dơ̆ lơh broă

Bè broă lơh jăt Nghị quyết sồ 54 bơh Quốk hội, đơs niam ƀòn dờng Hồ Chí Minh neh lơh jăt geh cồng nha Nghị quyết do, mơya Củ tịc lơgar đơs là, ƀòn dờng gam ờ hềt tơnguh ndrờm bal ală kơ cế krơi is, mờ đơs wơl jơnau đơng lam bơh Tổng Ƀí thư ồng Nguyễn Phú Trọng dê tàm dơ̆ lơh broă mờ ƀòn dờng pa do là pal sền wơl broă lơh jăt Nghị quyết sồ 54, bơh tŭ hơ̆, dan geh ală kơ cế kwơ màng, sơrlèt rơlao nàng dong kờl ƀòn dờng tơnguh bơtàu pràn kơl dang rơlao.

VOV.vn – Cau mblàng Ndong Brawl