VOV4.K’ho- Nàng kờñ bơsong gờñ ngan rlau jơh jơnau gơ lời wơl bơh càl rbut dờng sồ 5 dê mờ mìu dà kŏ dà cò dờng ngan tàm ƀòn dờng Đà Nẵng mờ 2, 3 càr tiah tàm gùl lơgar, mho ngai 19/10, Củ tịc lơgar ồng Nguyễn Xuân Phúc ala mat kwang đơng lam bồ Đảng, dà lơgar neh lùp còp, pà phan làng bol kong hoàc huơr tài bơh mìu dà kŏ dà cò in mờ lơh broă mờ ƀòn dờng Đà Nẵng, ală ƀộ, gah broă lơh dà lơgar bè broă lơh bơsong jơnau gơ lời wơl. Tơnơ̆ tŭ lòt sền ngan ngồn, Củ tịc lơgar ồng Nguyễn Xuân Phúc mờ mpồl kwang bàng lơh broă mờ kwang đơng lam bồ ƀòn dờng Đà Nẵng.

Củ tịc lơgar ồng Nguyễn Xuân Phúc lơh broă mờ kwang đơng lam bồ ƀòn dờng Đà Nẵng

Đơs tàm dơ̆ lơh broă, bal mơ hời rơhời bơtàu tơnguh wơl lơh sa, kă bro mờ gàr kơ̆ kơljap rài kis bè ờs ai làng bol in, Củ tịc lơgar ồng Nguyễn Xuân Phúc sồr hòi jà ală mpồl dong kờl làng bol lơh niam wơl hìu đam, wàs kloh niam tiah ơm kis tơnơ̆ mìu dà kŏ dà cò, lơh niam wơl gùng che đèng, dà ngui sa, gùng che yal tơnggit jơnau, lơh niam wơl mhar broă lơh phan bơna pal geh, ngan là gùng lòt, rbòng dà, lơh sơnơm, bơto bơsram gơtìp ờ niam, gàr tơl sră măi, sră cih, phan bơsram ai kơnòm bơsram in.

VOV/Cau mblàng K’Duẩn