Đơs tàm dơ̆ tìp mat, Củ tịc lơgar ồng Nguyễn Xuân Phúc đơs loh, tàm tơngai dùl nam nggùl lơh Rơndap broă lơh, Mpồl đơng lam mờ Mpồl sền sơ wì bơt bơtàu rơndap broă lơh neh pơnđơl pràn lơh ngan mờ lơh sir mpồl broă lơh dờng ngan. Pơn rơ ngan là neh hòi jà ală anih lơh broă dà lơgar bơt bơtàu 27 tơngume nàng tơn jơh; bơyai lơh 3 dơ̆ cribơyai dà lơgar, 15 dơ̆ pơrjum, cribơyai jrô tơngume mờ 3 dơ̆ pơrjum tă pơpgồp jơnau đơs bơh ală Tỉñ ủy mờ Thàñ ủy; hòi jà bơta tus bal làm uă bơh ală kwang bàng jak chài, cau khoa học, kwang bàng lơh broă geh ngan, ală viện kơlôi sơnơng, hìu bơsram đại học tàm gùt lơgar.

Củ tịc lơgar đơs nền, Nghị quyết bè “Pơn jat tai bơt bơtàu mờ lơh sir Dà lơgar gơnoar adat boh lam xã hội củ nghĩa Việt Nam tàm tơngai pa” là phan bơna bồ tơngoh bal dê mờ bơta tă pơgồp dà kơl hề jơh nùs bơh ală kwang bàng jak chài tàm Mpồl sền sơ wì dê. Củ tịc lơgar sồr lơh pràn broă mblàng yal, geh broă rơndap lơh lơh broă tơnơ̆ tŭ broă ơsram Nghị quyết geh lơh jat tàm pơrjum gùt lơgar kơlôi sơnơng, bơsram, lam lơh jat ală Nghị quyết Pơrjum dơ̆ 6 khoá 13 dê.