Đơs tàm dơ̆ tìp măt, đơs sùm nùs nhơm tàm pơrlòng kờñ gơboh dà lơgar bơh Củ tịc Hồ Chí Minh dê mờ bơhiàn “sơnđàc cau bè sơnđàc să tờm he sơl”, nùs nhơm tàm dong tàm kờñ bal là bơta kwơ niam bơnĕ bơh jơi bơtiàn he dê, Củ tịc lơgar ồng Nguyễn Xuân Phúc tơlik nùs nhơm chờ hờp mờ ngoh rơngăc ngan tŭ gĭt geh jơnau yal “bè jơnau yal yau tàm rài kis ờs mờng pah ngai: bơh ală krơh cau niam, broă niam tàm broă lơh “Broă niam” dê.

Củ tịc lơgar đơs loh, Đảng mờ Dà lơgar he sùm sền gròi drơng gàr ai ală cau geh dà kơlhề mờ dà lơgar, cau rƀah, cau kuĕt kơlte, cau ờ pràn tàm mpồl bơtiàn, nàng ờ cau lơi gơtìp lời ơm wơl hờ ngkời. Bal mờ hơ̆, bơta tàm sơm băt tê bal bơh ală nùs nhơm kờñ gơboh kòn bơnus dê, bơta dong kờl bơh ală cau “Broă niam” dê là kwơmàng ngan, tài bơh khi là ală cau ơm rềp mờ ală cau geh rài kis kal ke ngan rlau jơh, bơta dong kờl kung jơh nùs ngan rlau jơh, cèng wơl bơta pin dờn kờñ gơboh tàm rài kis, pơgồp bơnah lơh gơrề bơta kwơ kis niam, nùs nhơm kòn bơnus Việt Nam kờñ gơboh kòn bơnus, bềng nùs nhơm kờñ gơboh.