VOV4.K’ho- Ngai 12/10, tàm ƀòn dờng Hồ Chí Minh, Củ tịc lơgar ồng Nguyễn Xuân Phúc mờ Mpồl kwang bàng Quôk hội ƀòn dờng Hồ Chí Minh mpồl sồ 10 tìp mat cau tĕ khà ală kơnhoàl Củ Chi mờ Hóc Môn. Bal mờ mpồl kwang bàng Quôk hội ƀòn dờng neh iat, hơ, cih dờp jơnau đơs bơh cau tĕ khà dê bè ală broă kuơmàng bơh dà lơgar mờ ƀòn dờng dê, bè broă atbồ phan xăng zờu; bơta 2, 3 rơndap broă lơh tàm ƀòn dờng Hồ Chí Minh lơyài lam lơh lơh gơbàn ờ suk tàm làng bol…

Củ tịc lơgar ồng Nguyễn Xuân Phúc tìp mat cau tĕ khà kơnhoàl Hóc Môn

Củ tịc lơgar sồr kwang đơng lam bồ ƀòn dờng hơ tơn cau tĕ khà in tàm dơ̆ tìp mat, mờ kung sồr bơsong gờñ ală jơnau sồr dipal mờ cau tĕ khà neh đơs. Tàm dơ̆ tìp mat, Củ tịc lơgar ồng Nguyễn Xuân Phúc kung yal mờ cau tĕ khà bè cồng nha bơh Pơrjum dơ̆ 6 Ƀan Cấp hàñ Đảng dà lơgar pa geh lơh. Bè cồng nha lam lơh ală kơnòl broă bơh nam 2022 dê, Củ tịc lơgar pà git, lơgar he neh lam lơh geh cồng nha, tơl làm ală jơnau kờñ, kơnòl broă. Jat hơ̆, gùt lơgar geh 14 tàm 15 broă geh jàu lơh gơs broă rơndap lơh, uă broă geh jàu lơh gơs uă.

VOV Tây Nguyên- Cau mblàng K’Duẩn