VOV4.K’ho - Drim òr (22/09), tàm gơlang Củ tịc, Củ tịc lơgar ồng Nguyễn Xuân Phúc tìp măt ală kơnòm dềt geh pơnrơ jăk, ala măt ală kơnòm dềt bơh 54 jơi bơtiàn kòn cau gùt lơgar dơ̆ 4 geh bơyai lơh tàm ngai do (23/09).

                           Củ tịc lơgar ồng Nguyễn Xuân Phúcpà rùp Bác Hồ ală kơnòm dềt in

Tàm dơ̆ tìp, Củ tịc lơgar ồng Nguyễn Xuân Phúc đơs, git wă nùs nhơm bơh Củ tịc Hồ Chí Minh bè tam klăc gùt jơi bơtiàn kòn cau, bè broă drơng gàr ai kơnòm dềt in, Đảng mờ Dà lơgar bal mờ làng bol he sùm sền gròi, sền kwơ broă sền gàr, drơng gàr mờ bơto bơtê kơnòm dềt, tàm hơ̆ uă ngan là kơnòm dềt kòn cau, tiah kơh bơnơm, tiah ngài, tiah nhàr dà lơgar, tiah bồt, geh tơngŏ bơh uă gùng dà, broă lơh geh lơh jăt di tŭ, geh cồng nha. Củ tịc lơgar đơs tờm, mờr mờr 16 tơlăk nă đội viên, kơnòm pa tào, kơnòm dềt, do là cau lơh tờm rơnàng tơnơ̆ do dà lơgar dê, den tàng, Củ tịc lơgar kơ̆p kờñ ală kơnòm dềt pal tơriang tơriồng tàm broă bơsram sră, bơsram tàp pràn să jan nàng geh tơl bơta ngăc ngar mờ bơta pràn kơl dang, ai geh bơta pràn kơl jăp tus mờ broă tơnguh bơtàu rài tơnơ̆ do in.

Cau mblàng Ndong Brawl