VOV4.K’ho - Di tơnkah 47 nam ngai tam lơh jai pha kàl prang (30/04), Củ tịc lơgar ồng Nguyễn Xuân Phúc neh tìp măt mpồl cau bơsram bơh đah jum dà lơgar tàm ù tiah hờ đah tô dà lơgar tàm hìu pơrjum Thống Nhất ƀòn dờng Hồ Chí Minh.

Pơn jăt tai bơhiàn ờs mờng jăk chài bơh ală rài kơnòm bơsram bơh đah jum dà lơgar lài do dê, kơnòm bơsram bơh đah jum dà lơgar rài tơnơ̆ do neh lơh ngan bơsram tào, geh Đảng pin dờn, gơboh kờñ, geh làng bol tơnpồ. Git nđờ jơ̆t nă kwang bàng là kwang bàng geh jơng tàm Ƀan cấp hàñ Đảng dà lơgar at gơnoar broă tờm tàm ală ƀộ, gah lơh broă tàm dà lơgar. Kwơ màng, tàm rài tam gơl pa tơl ală bơta dà lơgar dê, uă “gar sơntìl niam” neh ai tơngŏ bơta jăk chài bơh să tờm dê tàm broă tơnguh bơtàu lơh sa, lơh pas dà lơgar in. Củ tịc lơgar ồng Nguyễn Xuân Phúc đơs, ală rài kơnòm bơsram bơh tiah hờ đah jum dà lơgar bŭ lah at gơnoar broă lơi, tiah lơi kung sùm ai jơh nùs nhơm pin dờng mờ Đảng, mờ Dà lơgar, kah tus broă lơh dờng Màng bơh Đảng, bơh Bác Hồ mờ prăp sùm tàm nùs nhơm ală bơta niam, bơta phi să, bơta tàm dong kờl bal piang sào, ào soh bơh làng bol kis hờ đah tô dà lơgar dê.

Cau mblàng Ndong Brawl