Tàm dơ̆ tìp mat, Củ tịc lơgar ồng Võ Văn Thưởng cih dờp, jờng rơ uă ngan tơngai pa do, ƀòn dờng neh sùm pơnđơl pràn lơh ngan, pơgồp bal mờ ală mpồl mpồl bơtiàn bơsong jơnau gơ lời wơl tơnơ̆ kòp dờng Kovid-19; bơtàu tơnguh wơl lơh sa kă bro, bơsong ală broă gam gơ kòl, sền gròi sền gàr niam rài kis mpồl bơtiàn, bơta niam kwơ mpồl bơtiàn, sền gròi bè ờs wơl mờ bơtàu tơnguh rài kis phan bơna, nùs nhơm bơh làng bol dê.

Tàm bơta bơtàu tơnguh bơh ƀòn dờng mờ Dà lơgar dê geh bơta tă pơgồp bal kwơ màng bơh ală mpôgl cau duh broă Yàng, at gonoar broă ală gah pin dờn jăt yàng, jơi bơtiàn, cau geh bồ tơngoh jak, ală mpồl cau, cau dùl nă să pơn rơ ngan bơh ƀòn dờng dê. Củ tịc lơgar sồr ƀòn dờng lơh jăt niam ală Nghị quyết bơh Đảng, bơh Quốk hội dê, tàm hơ̆ geh ală gùng dà broă lơh krơi is, ai ƀòn dờng in bơtàu tơnguh.