VOV4.K’ho- Tàm ƀòn dờng Việt Trì, Ủy ƀan Ñân zân càr Phú Thọ neh bơyai lơh Dơ̆ sơnđờm lơh Rơndăp broă lơh bơcri priă, lơh broă lơh Hìu niam chài đơs crih tam ya càr Phú Thọ. Củ tịc lơgar ồng Nguyễn Xuân Phúc rê geh mat bal mờ tus bal sơnđờm lơh hìu. Rơndăp broă lơh Hìu niam chài đơs crih tam ya càr Phú Thọ geh lơh tàm ù tiah Ƀlàng dờng Hùng Vương nàng kờñ lơh geh anih tờm bè hìu đam mờ ù tiah ƀòn lơgar tiah drà ƀòn dờng Việt Trì.

Củ tịc lơgar ồng Nguyễn Xuân Phúc tus bal dơ̆ sơnđờm lơh Rơndăp broă lơh Hìu niam chài đơs crih tam ya càr Phú Thọ

Hìu geh lơh bal mờ kờp jơh priă tă lơh là mờr 400 tơmàn đong, geh lơh ơnàng pơgăp 1 rbô cơghế nggui geh 3 cờñ pơrđồng, 1 cờñ tàm ù mờ dùl cờñ hơđang rkàng hìu, bă ù lơh hìu ơnàng mờr 5 rbô thơk vuông. Digơlan hìu do geh lơh gơs tàm nam 2023. Tơnơ̆ mờ tŭ lơh gơs, Hìu niam chài đơs crih tam ya càr Phú Thọ geh gơ gơs là anih lơh ală broă lơh niam chài đơs crih tam ya mờng chài mờ ờ mờng chài, niam chài đơs crih tam ya làng bol mờ pơrjum mpồl bơtiàn bè cíñ trị, lơh sa, niam chài- mpồl bơtiàn ndai bơh làng bol dê, drơng jơnau kờñ sền bơta niam chài đơs crih tam  ya bơh làng bol mờ năc lòt nhơl dê.

Cau mblàng Lơ Mu K’Yến