Đơs tàm dơ̆ bơyai lơh, Củ tịc lơgar ồng Võ Văn Thưởng pơyua jơnau gờm chờ niam bơnĕ ngan rlau jơh tus kwang bàng, cau pơgru, cau bơsram, cau lơh broă mờ cau ling Họk viện Ling klàng in mơkung jờng rơ ngan Họk viện sùm gàr kơ̆ bơhiàn ờs mờng bơh yau, là dùl anih tờm bơto bơtê, kơlôi sơnơng jak chài khà dùl bơh ling klàng dê mờ bơh jơh gùt lơgar dê.

Bal mờ kơnòl broă pơlam tàp, bơto bơtê, Củ tịc lơgar sồr Họk viện sùm yờ tơnguh uă cồng nha lơh broă bal dunia bè bơto bơtê; sền dờng màng kơnòl broă bơto bơtê, tề lam kwang bàng kâp dờng gah ling klàng dong 2 lơgar gơ̆p bơyô: Lào mờ Campuchia. Củ tịc lơgar pin dờn, đơs: mờ bơhiàn ờs mờng bơh yau tiơng pơnrơ ngan 46 nam bơ̆t bơtàu, bơtàu tơnguh mờ dờng kràñ, Họk viện Ling klàng ngan ngồn rơ̆p lơh gơs jak ngan kơnòl broă nam bơsram pa 2023- 2024; mơkung gĭt nền cơnđoà lòt kơ̆ kơl jăp jăt tàm ală jơnau neh cih tàm sră pơ àr mờ bơta geh ngan mờ ling klàng, Đảng he neh lơh geh.