Sơn đờm dơ̆ tus sền Gơlăng Bơtau Thăng Long, Củ tịc lơgar Võ Văn Thưởng bal mờ Kwang atbồ lơgar Philippines Marcos neh tus bal Broă lơh “Happy Tết 2024” geh bơyai lơh tàm tiah tàm gùl Gơlăng Bơtau Thăng Long.

Tàm do, Củ tịc lơgar neh yal mờ Kwang atbồ lơgar Philippines bè ngai Satềp ờs mờng lơgar Việt Nam dê mờ ală bơta niam chài krơi is, tus bal mờ nùs nhơm chờ Satềp lơgar Việt Nam dê, ală bơta kwơ niam chài, phan lời wơl, ală jơnau nhơl ờs mờng ngai Satềp; ală phan sa ờs mờng di tàm Satềp; sền đơs crih tamya geh uă bơta niam chài jơi bơtiàn. Pơn jăt mờ hơ̆, Củ tịc lơgar Võ Văn Thưởng neh bal mờ Kwang atbồ lơgar Philippines Marcos lòt sền ală tiah tềl kah yau bơh Gơlăng Bơtau Thăng Long dê. Tơn jơh dơ̆ lòt sền, mpồl kwang bàng neh kŭp rùp lời kir tềng gah rùp Nggrài Điện Kính Thiên, gơs dùl tàm ală bơta tơngŏ niam tàm dơ̆ tus còp kấp Dà lơgar tus lơgar Việt Nam dơ̆ do bơh Kwang atbồ lơgar Philippines Marcos dê.