Củ tịc lơgar Võ Văn Thưởng còp, nting bơr gờm chờ sa tềp cau lơh broă lơh broă tàm Dra khuàng tàm dà lềng
Thứ bảy, 09:46, 27/01/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Pơn jat tai broă lơh lòt còp, nting bơr gờm chờ sa tềp Dà lơgar Giáp Thìn 2024, drim ngai 26/01, bơh ƀòn dờng Vũng Tàu, Củ tịc lơgar Võ Văn Thưởng mờ mpồl lơh broă neh lòt mờ rơndeh par duck tus Dra khuàng tờm bơh Kông ty Kă bro bal đơng pơlam Cửu Long (hòi lơyah là Cửu Long JOC), còp, pơndờm pơnđiang, gờm chờ sa tềp, lơh broă mờ kwang bàng, kỹ sư gam lơh broă tàm Dra khuàng, ală cau ala mat ai 60 rơbô nă kwang bàng, cau lơh broă gah nhơm zờu.
Tơnơ̆ tŭ iăt kơno jơnau yal, Củ tịc lơgar Võ Văn Thưởng pơyoa tus mờ jơh tơl nă kwang bàng, cau lơh broă tàm Dra khuàng tờm bơh Cửu Long JOC đơs is, jơh gùt gah lơh nhơm zờu đơs bal jơnau lùp còp jơh nùs mờ jơnau nting bơr gờm chờ nam pa niam bơnĕ ngan rlau jơh. Mờ 415 tơlak thùng zờu lơh geh, Củ tịc lơgar jờng rơ uă ngan Cửu Long JOC geh tă pơgồp kwơ màng mờ gah nhơm zờu mờ kes priă Dà lơgar dê.
Đơs sùm, broă lơh lòt jòi nhơm zờu là gah broă kwơ màng ngan, Củ tịc lơgar sồr kwang bàng, đảng viên, cau lơh phan, cau lơh broă tập đoàn nhơm zờu pal lơh nền jrô ơnàng làm uă là, bơtàu tơnguh lơh sa sùm pơgồp bal mờ gàr niam sền gàr Dà lơgar lơngăp lơngai mờ broă gàr niam lơngăp lơngai Dà lơgar sùm pal pơgồp bal mờ bơtàu tơnguh lơh sa.
Viết bình luận