Pơyoa ală jơnau chờ gờm niam bơnĕ tus mpồl y, ƀák sĩ di ngai bơhiàn Cau lơh sơnơm Việt Nam, Củ tịc lơgar Võ Văn Thưởng đơs nền, broă lơh sơnơm là broă lơh kwơ màng, sền gàr, drơng gàr bơta pràn kơl dang să jan làng bol mờ cèng tus ală hìu nhă mpồl bơtiàn in ală bơta niam.

Củ tịc lơgar kơ̆p kờñ ală y, ƀák sĩ lơh broă tàm Hìu sơnơm Nhi đồng 1 ngui uă ngan ală cồng nha neh lơh geh tàm tơngai do; mờ lơh ngan, pơn jăt tai lơh geh tai ală cồng nha pa tài cồng nha ờ tŭ lơi ai geh bơta lòng pa nàng sơrlèt, den tàng pal geh broă lơh ngan sùm. Củ tịc lơgar nting bơto kwang đơng lam ƀòn dờng, ală kấp, ală gah lơh broă sền gròi, tơnguh uă rài kis bơh ală y, ƀák sĩ, cau lơh sơnơm; gơguh sùm phan bơna, phan lơh sơnơm; sền kwơ tus broă pơn jăt tai bơto mpồl ƀák sĩ lơh broă, tàm hơ̆ uă ngan là ai  ală ƀák sĩ kơnòm să lòt bơsram broă mờng chài lơh sơnơm tàm ală lơgar geh broă lơh sơnơm bơtàu tơnguh nàng ngui geh cồng nha, bơhiàn ờs mờng bơh Hìu sơnơm tàm tơnơ̆ do dê.