Tơnơ̆ mờ dơ̆ wă rò Kwang atbồ lơgar Đức, tàm mho òr (23/01), tàm Gơlang Củ tịc lơgar Võ Văn Thưởng neh cri bơyai mờ Kwang atbồ lơgar Đức.

Tàm dơ̆ cri bơyai, bàr kwang đơng lam neh cri bơyai bè ală gùng dà broă lơh dờng nàng lơh nền nòn rơlao tai bơta git gơ̆p Tam klăc bal jŏ jòng đah lơgar Việt Nam mờ lơgar Đức, kung bè tam pà bal bè ală bơta tàm tiah do mờ dunia geh sền gròi bal. Bàr gah ring bal tơnguh lơh broă bal tàm ală gah broă lơngăp lơngai – sền gàr dà lơgar, khoa họk – kông nghệ, sền gàr adăt boh lam, lơh sa suơn sre; lơh pràn ală broă tìp bal niam chài, bơh tŭ hơ̆ pơgồp bal tàm broă tơnguh jơnau git wă mờ lơh bơyô bal đah làng bol bàr lơgar, mùl màl tơnkah 50 nam crơng gơs bơta git gơ̆p cri bơyai bal broă lơh bal mờ lơgar ndai đah lơgar Việt Nam mờ lơgar Đức tàm nam 2025.