Cih dờp, jờng rơ cồng nha ală gah broă bơh Kwang àng ƀòn dờng dê, Củ tịc lơgar đơs loh, mờ bơta krơi is là tiah tờm cíñ trị, niam chài, lơh sa – mpồl bơtiàn, ƀòn dờng Hồ Chí Minh geh gơnoar broă, gơtha kuơ dờng ngan gơ wèt mờ tiah do mờ jơh gùt lơgar. Củ tịc lơgar sồr Kwang àng ƀòn dờng pal sùm sền dờng màng broă lơh git broă gơlik geh, ơm rềp kâp hơ đơm, ù tiah, tă pơgồp jơnau đơs di tŭ ai ală kâp, ală gah broă mờ gơnoar atbồ ală kâp bơh ƀòn dờng dê in nàng bơsong niam ală broă bè rơndap tap sèng ring lơngai tàm tơl broă gơlik geh. Củ tịc lơgar sồr mpồl kảñ sát rơcang sơndră crùh ồs sa mờ dong kờl rềs àr ƀòn dờng dê pal sơlơ tơnguh tai cồng nha broă lơh atbồ dà lơgar bè rơcang sơndră crùh ồs sa mờ nùs nhơm “Bulah là cau lơi, mpồl lơi, ndrờm pal lơh jat nền nòn jơnau sồr bè rơcang sơndră crùh ồs sa”.