Củ tịc lơgar Võ Văn Thưởng mờ Pơ ùr tus bal broă lơh. Đơs tàm broă lơh, ala mat Đảng, Dà lơgar, Mặt trận Dà lơgar Việt Nam, Củ tịc lơgar pơyoa tus ală cau kòn kờñ gơboh bơh ù tiah mè Việt Nam gam ơm kis, lơh broă, bơsram sră tàm lơgar ndai jơnau lùp còp jơh nùs, ală nùs nhơm rềp mềr mờ ală jơnau nting bơr gờm chờ bồ nam pa niam bơnĕ ngan rlau jơh.

Củ tịc lơgar đơs nền, Đảng, Dà lơgar sùm jơh nùs kơ̆p kờñ làng bol he kis tàm lơgar ndai lơh jat niam bơta ƀuơn, bơta pràn, bơta pràn bơceh lơh, lơh geh uă cồng nha, rài kis kơ̆ kơl jăp, ngai sơlơ geh gơnoar broă adat boh lam, lơh sa, cíñ trị kơ̆ kơl jăp rlau, mut gơ rờm bal jrô ơnàng làm uă tàm mpồl bơtiàn mờ lơgar he ơm kis. Củ tịc lơgar kơ̆p kờñ tàm tơngai tus, làng bol he rơ̆p rê còp Dà lơgar uă rlau tai nàng sền gŏ ală bơta tam gơl pa bơh Dà lơgar dê, ală cồng nha bơh broă lơh tam gơl pa, nàng sơm bat tê bal bơt bơtàu mờ sền gàr Dà lơgar Việt Nam kờñ gơboh.