Tàm tiah kah kơlôi, tềng đap huềng cau khin cha jak chài jơi bơtiàn, cau niam chài tiơng pơn rơ dunia Nguyễn Trãi, Củ tịc lơgar bal mờ mpồl kwang bàng neh ki ngàm kun bồ chu ñàng, kah ưn ngài dà kơl hề dờng màng bơh Nguyễn Trãi dê, dùl nă cau niam chài tiơng pơn rơ jak ngan, dùl nă cau lơh broă gah bồ tơngoh jak chài sơrlèt rlau tŭ tơngai, dùl nă cau lơh broă cíñ trị, cau ai tơlik gùng dà ling klàng, cribơyai broă mờ lơgar ndai dờng màng ngan.

Tàm do, Củ tịc lơgar neh tus bal dơ̆ cih jơnau sơn rờp bồ nam pa mờ tơngume: Càr lơgar Hà Nội: “Niam chài – gơguh jak – tam gơl pa” mờ lơh bơhiàn cih jơnau sơn rờp bồ nam pa. Broă cih jơnau sơn rờp bồ nam pa bơh jŏ neh geh gàr sùm bè dùl bơta niam chài ờs mờng bơh yau cau Việt Nam dê. Ală akhar cih sơn rờp nam dê sùm pơyua bơta kơp kờñ bè ală bơta niam, bơtuah bơtuài, ai tơnggŏ bơhiàn ki ngàm pơgru, sền dờng màng bơhiàn jơi bơtiàn, hùc dà kah tô dà bơh jơi bơtiàn Việt Nam dê, sơlơ tơnguh tai broă lơh dong kờl bơsram, dong kờl cau jak chài, pơgồp bơnah tơnguh nùs nhơm kờñ bơsram sră, bơt bơtàu bồ tơngoh jak kòn bơnus Việt Nam.