Ngai chờ Bơta niam nam pa tàm làm gùt ù tiah dà lơgar là broă lơh geh bơyai lơh pah nam, nàng kờñ jờng rơ ală bơta kuơ niam chài ờs mờng niam bơnĕ bơh ală jơi bơtiàn dê tàm rài niam chài tơrgùm dùl mờ li la bơh mpồl bơtiàn 53 jơi bơtiàn dê, mờ kung pơgồp bơnah sơlơ tơnguh tai mpồl tam klac dờng jơi bơtiàn tàm “Hìu ơm bal”.

Ngai chờ nam do geh bơta tus bal bơh mờr 300 nă làng bol bơh 28 jơi bơtiàn dê tus bơh 16 càr, ƀòn dờng mờ 16 mpồl jơi bơtiàn… mờ uă broă lơh bè: Broă lơh jơnau đơs crih gờm chờ Đảng dờng màng, gờm chờ nam pa dà lơgar, Sa tềp tam chi sùm sùm kah ưn ngài Wa Hồ, broă lơh “Lòt nhơl nam pa” yal tơnggit bơta nhơl ñŏ bơh yau kòn cau dê, bồ tơngih git wă bơh yau, phan sa ờs mờng ngai sa tềp… Di dơ̆ do, Củ tịc lơgar Võ Văn Thưởng jàu pà cau ala mat ală jơi bơtiàn tus bal Ngai chờ mờ làng bol ală jơi bơtiàn geh ală phan là phan niam chài bơh làng bol mòn is pà Củ tịc lơgar in, ai tơnggŏ nùs nhơm bơh làng bol ală jơi bơtiàn dê gơ wèt mờ Củ tịc lơgar. Củ tịc lơgar neh tam chi kir sơnrai sùm sùm kah ưn ngài Wa Hồ, chu ñàng tàm Hìu Phờk Khmer tàm Ƀlàng Ƀòn niam chài – Lòt nhơl ală jơi bơtiàn Việt Nam.