VOV4.K’ho- Củ tịc lơgar ồng Nguyễn Xuân Phúc pa geh dơ̆ wă Lãñ sự ala mat lơgar Việt Nam tàm lơgar Thụy Sĩ ồng Philipp Rosler bal mờ ală mpồl lơh sa kă bro lơgar Thụy Sĩ lòt còp Việt Nam, jòi tŭ niam lơh broă bal kă bro nàng sơlơ tơnguh lơh broă bal kă bro, bơcri priă đah Việt Nam mờ 2 lơgar Đức, Thụy Sĩ.

Củ tịc lơgar wă Lãñ sự ala mat Việt Nam tàm Thụy Sĩ

Củ tịc lơgar kơp kờñ să tờm ồng Philipp Rosler pơn jat tai dong kờl mờ sơlơ tơnguh rlau tai broă chồl pràn git gơp lơh broă bal jŏ jòng đah Việt Nam mờ Đức, git gơp lơh bơyô lơh broă bal đah Việt Nam mờ Thụy Sĩ; hòi jà ală mpồl lơh sa kă bro lơgar Đức, lơgar Thụy Sĩ mờ câu Âu sơlơ tơnguh bơcri priă kă bro tàm Việt Nam, ngan là tàm ală gah tam gơl pa, bơceh pa mờ kông nghệ kao. Củ tịc lơgar kung kơp kờñ ồng Philipp Rosler geh jơnau đơs mờ geh jơnau sồr nàng Thụy Sĩ giwfñ kĭ Hiệp địñ kă bro khat gơboh đah Việt Nam mờ mpồl EFTA.

Cau mblàng K’Duẩn