Wă rò Đại sứ lơgar Kộng hòa Ba Lan Aleksander Surdej dờp kơnòl broă tàm lơgar Việt Nam, Củ tịc lơgar pin dờn, Đại sứ rơp geh ală tă pơgồp jơh nùs nàng sơlơ tơnguh bơta git gơp 2 lơgar. Củ tịc lơgar đơs sùm, làng bol Việt Nam sùm ki ngàm, ưn ngài bơta dong kờl kuơmàng ngan mờ làng bol Ba Lan neh lời ai Việt Nam in tàm sùm jơh gùt tŭ tơngai tam lơh ai lơngăp lơngai is, tơrgùm dùl dà lơgar kung bè tàm broă lơh bơt bơtàu mờ bơtàu tơnguh tŭ do.

Wă rò Đại sứ lơgar Tây Ban Nha Carmen Cano De Lasala, Củ tịc lơgar chờ hờp sền gŏ, lơh broă bal 2 lơgar neh lơh geh cồng nha niam tàm tơl gah broă. Củ tịc lơgar sồr 2 lơgar sơlơ tơnguh tai bơta pin dờn cíñ trị, cribơyai broă mờ lơgar ndai, sơlơ lam lơh ală dơ̆ lòt còp kâp dờng mờ ală kâp.