Đơs tàm dơ̆ wă rò, Củ tịc lơgar ồng Võ Văn Thưởng pin dờn dơ̆ lòt còp dơ̆ do bơh Mpồl dê rơ̆p pơgồp bơnah lơh jrô ơnàng rlau tai bơta gĭt gơ̆p lơh bơyô bal dờng màng ngan, tam klăc bal mờ lơh broă bal tơl ală bơta đah Việt Nam mờ Lào; mơkung chồl tơnguh pràn kơldang gĭt gơ̆p lơh broă bal mờ Mặt trận dà lơgar Việt Nam sơlơ đềt mềr, geh cồng nha. Củ tịc lơgar Việt Nam ồng Võ Văn Thưởng kơ̆p kờñ Ủy ƀan Mặt trận dà lơgar Lào bơ̆t bơtàu dà lơgar pơn jăt tai pơgồp bal niam mờ Ủy ƀan Mặt trận dà lơgar Việt Nam lơh jăt geh cồng nha ală jơnau ring bal lơh broă bal đah bàr anih lơh broă; jơh nùs lam lơh lơh broă bal tàm ală gah broă lơh ờs mờng mặt trận, bơto mpồl cau lơh broă, hòi jà làng bol, pin dờn jăt yàng, jơi bơtiàn, bơh hơ̆ pơgồp bơnah sơlơ bơ̆t bơtàu bơta gĭt gơ̆p lơh bơyô bal dờng màng ngan, tam klăc bal krơi is ngan, lơh broă bal tơl làm đah Việt Nam mờ Lào ngai sơlơ bơtàu tơnguh niam bơnĕ, kơ̆ kơl jăp jŏ jòng.