VOV4.K’ho- Tàm Hìu lơh broă Củ tịc, Củ tịc lơgar ồng Nguyễn Xuân Phúc wă Viện trưởng Tổng Viện Kiểm sát lơgar Nga ồng Igor Krasnov gam geh dơ̆ còp mờ lơh broă tàm Việt Nam bơh ngai 4 tus ngai 6 nhai 10.

Củ tịc lơgar wă Viện trưởng Tổng Viện kiểm sát lơgar Nga

Tàm dơ̆ wă, Củ tịc lơgar ồng Nguyễn Xuân Phúc đơs loh Việt Nam sùm sền dờng màng, cih kah bơta dong kờl dờng màng bơh Liên Xô lài do, mờ lơgar Nga tŭ do dê mờ bơta lơh ngan bơt bơtàu ai bơta gĭt gơ̆t gơ̆p lơh broă bal jŏ jòng tơl làm mờ lơgar Nga sùm bơtàu tơnguh. Tàm tơngume dơ̆ lòt còp dơ̆ do, Viện trưởng Tổng Viện Kiểm sát lơgar Nga ồng Igor Krasnov pin dờn, tàm nùs nhơm lơh broă bal sùm, sùm sùm, 2 gah geh lơh geh uă cồng nha tàm broă pơgồp bal rcang sơndră cau lơh tìs, pơgồp bơnah uă ngan tàm broă gàr niam lơngap lơngai dà lơgar, rơndap tap sềng, lơngap lơngai mpồl bơtiàn bơh tơl lơgar dê mờ sùm bơt bơtàu ai bơta gĭt gơ̆p lơh bơyô bal bơh yau Việt Nam mờ Nga.

VOV Tây Nguyên- Cau mblàng K’Hạnh