Còp, nting bơr sa tềp Mpồl kwang bàng Quôk hội càr Dăk Lăk, Củ tịc Mpồl duh broă Jơi bơtiàn Y Thanh Hà Niê Kđăm jờng rơ bơta lơh ngan bơh Mpồl kwang bàng Quôk hội càr Dăk Lăk dê tàm broă lơh gơs ală kơnòl broă, broă lơh tàm nam 2023. Bal mờ hơ̆, Củ tịc Mpồl duh broă Jơi bơtiàn kung yal tai bè 2, 3 broă lơh bơh Quôk hội dê kung bè bơh Mpồl duh broă Jơi bơtiàn dê tàm nam pa do mờ sồr, tàm nam 2024 do, mpồl kwang bàng Quôk hội càr Dăk Lăk pơn jat tai lam lơh niam kơnòl broă geh jàu, tơnguh bơta niam, pràn jak lơh broă bơh kwang ala mat làng bol pồ dê, cèng jơnau đơs bơh cau tĕ khà, làng bol dê tus rềp rlau mờ Quôk hội.

Di dơ̆ do, bơh bơta hòi jà tă pơgồp priă jền bơh ală mpồl lơh sa kă bro, cau geh nùs nhơm niam dê, Củ tịc Mpồl duh broă Jơi bơtiàn neh jàu ai Ủy ƀan Mặt trận dà lơgar Việt Nam càr Dăk Lăk in khà priă 250 tơlak đông nàng pà phan ai ală hìu bơnhă jơi bơtiàn dồ êt nă cau geh rài kis kal ke tàm càr in di sa tềp dà lơgar nam Giáp Thìn 2024.