VOV4.K’ho- Mho ngai 04/04, Mpồl lơh broă bơh Dà lơgar bơh ồng Y Thanh Hà Niê Kdam, Củ tịc Mpồl duh broă Jơi bơtiàn Quôk hội neh lòt còp mờ nting bơr gờm chờ sa tềp Chol Chnam Thmay bơh làng bol kòn cau Khmer dê tàm Hìu Yàng Phờk SomRong, sơnah ƀòn 5, ƀòn dờng Sóc Trăng.

Mpồl lơh broă bơh Mpồl duh broă jơi bơtiàn Quôk hội dê còp mờ nting bơr gờm chờ sa tềp bơhiàn yau bơh làng bol Khmer dê

Ồng Y Thanh Hà Niê Kdam, Củ tịc Mpồl duh broă jơi bơtiàn Quôk hội pơyua jơnau nting bơr gờm chờ tus ală cau duh broă yàng phờk, cau dong gàr hìu yàng phờk Som Rong sơnam pa bềng lìu bơta pràn kơldang să jan mờ ring lơngai. Mơkung kơ̆p kờñ là, tàm tơngai tus, mpồl ătbồ hìu yàng phờk Som Rong kung bè cau dong gàr hìu yàng phờk geh pơn jăt tai hòi jà làng bol jăt yàng phờk lơh jăt niam gùng dà broă lơh bơh Đảng dê, kơrnoăt boh lam bơh Dà lơgar dê, bơ̆t bơtàu ƀòn lơgar tờm Sóc Trăng ngai sơlơ pas sơm niam bơnĕ, pơgồp bơnah tàm bơ̆t bơtàu mpồl tam klăc dờng jơh gùt jơi bơtiàn bơh dà lơgar he dê.

Cau mblàng Lơ Mu K’Yến