Tàm Pơrjum dờng Ală nghị viện ală lơgar Đông Nam Á dơ̆ 43, mờ bơta sền gŏ bơh ală kwang bàng tus bal pơrjum dờng dê, Củ tịc Quôk hội ồng Vương Đình Huệ, Củ tịc Quôk hội lơgar Campuchia ồng Samdech Heng Samrin mờ Củ tịc Quôk hội Lào ồng Saysomphone Phomvihane neh kĭ Jơnau yal bơr bal bơh ală Củ tịc Quôk hội Campuchia, Lào mờ Việt Nam dê, dơ̆ sơn rờp lơh Mpồl pơrjum kwang bàng kâp dờng Quôk hội 3 lơgar Campuchia, Lào mờ Việt Nam.

Broă lơh Mpồl Pơrjum kwang bàng kâp dờng Quôk hội Campuchia, Lào mờ Việt Nam dipal mờ broă wèt sền bơh uă rơnàng Củ tịc Quôk hội 3 lơgar dê. Jat hơ̆, pơrjum kwang bàng kâp dờng Quôk hội 3 lơgar Campuchia- Lào- Việt Nam geh lơh 2 nam dùl dơ̆ bơh 3 nă Củ tịc Quôk hội đơng lam jat bơta tàm pơ dar jat bơta sap sèng khar; mờ kung ring bal broă rơndap lơh sră nggal bơh Pơrjum kwang bàng kâp dờng Quôk hội Campuchia, Lào mờ Việt Nam dê. Broă lơh Mpồl Pơrjum kwang bàng kâp dờng Campuchia, Lào mờ Việt Nam dipal mờ broă wèt sền bơh uă rơnàng Củ tịc Quôk hội 3 lơgar dê.