Tơnơ̆ tus càr lơgar Dhaka, Củ tịc Quôk hội ồng Vương Đình Huệ sơn đờm ală broă lơh tàm dơ̆ lòt còp, tàm hơ̆, Củ tịc Quôk hội ồng Vương Đình Huệ tìp mat cribơyai broă mờ Củ tịc Quôk hội Bangladesh. Bàr gah kĭ sră cih kah bè Lơh broă bal đah 2 Quôk hội. Kờp dŭ, tàm dơ̆ lòt còp do, Củ tịc Quôk hội kung rơp tìp mat cribơyai broă mờ kwàng đơng lam bồ kâp dờng bơh lơgar Bangladesh dê; tus bal mờ đơs tàm Cribơyai broă lơh, adat boh lam sơlơ tơnguh lơh broă bal lơh sa, kă bro mờ bơcri priă 2 lơgar; sền Dơ̆ kĭ jơnau ring bal lơh broă bal tàm 2, 3 gah; wă ală mpồl lơh sa kă bro; còp Đại sứ quán, tìp mat mpồl bơtiàn cau Việt Nam tàm Bangladesh.