VOV4.K’ho- Pơn jat tai dơ̆ lơh broă tàm ală càr tiah đah jum dà lơgar mờ tiah ring dà dờng Cửu Long, drim ngai 25/01, Củ tịc Quôk hội ồng Vương Đình Huệ bal mờ mpồl kwang bàng neh lòt còp, nting bơr sa tềp kwang bàng, cau ling kwang àng mờ mpồl lơh sơnơm lam lài sơndră kòp tàm càr Cà Mau. Củ tịc Quôk hội ồng Vương Đình Huệ đơs nền, Cà Mau geh kuơ dờng ngan bè lơh sa, sền gàr dà lơgar, sền gàr lơngap lơngai, là ù tiah king crŭ bơh dà lơgar dê. Tài là ù tiah kuơmàng den tàng mpồl kwang àng càr Cà Mau pal lơh ngan rlau tai mờ khà bè ờs.

Kờñ kah ưn ngài ală mpồl lơh broă tàm mpồl lam lài sơndră kòp Kovid-19, ala mat ai mpồl kwang bàng lòt lơh broă dơ̆ do mờ ala mat kwang đơng lam bồ Đảng, dà lơgar Củ tịc Quôk hội ồng Vương Đình Huệ neh pà phan mờ nting bơr tus ală kwang bàng, cau ling kwang àng làng bol mờ ală y bác sĩ bơh càr Cà Mau dê bal mờ hìu bơnhă geh dùl sa tềp pa, jat di jơnau đơs “Sa tềp bơ tòm tơrgum bal- sơnam pa ring lơngai.”

Cau mblàng K’Duẩn