VOV4.K’ho- Dờp jơnau jà bơh Củ tịc Quôk hội ồng Vương Đình Huệ, Củ tịc Quôk hội lơgar Singapore ồng Tan Chuan-Jin mờ pơ ùr lam bồ Mpồl kwang bàng Quôk hội lơgar Singapore còp ngan ngồn lơgar Việt Nam bơh ngai 18 tus ngai 20/05/2022. Mho ngai 18/05, dơ̆ wă rò ngan ngồn Củ tịc Quôk hội lơgar Singapore ồng Tan Chuan- Jin mờ pơ ùr neh geh bơyai lơh yŭ rơyùm tàm Hìu lơh broă Quôk hội mờ bơta đơng lam bơh Củ tịc Quôk hội ồng Vương Đình Huệ mờ pơ ùr dê. Tơnơ̆ dơ̆ wă, neh geh bơyai lơh dơ̆ cribơyai đah Mpồl kwang bàng kấp dờng Quôk hội 2 lơgar dê.

Củ tịc Quôk hội 2 lơgar Việt Nam mờ Sigapore

Tàm dơ̆ cribơyai, 2 nă kwang đơng lam bồ pơn jat tai kờñ mờ nùs nhơm bal bơh ASEAN dê bè ring lơngai, kơ̆ kơljap, gàr niam bơta lơngap lơngai, ờdo ờdă, khat gơ boh gùng dà lềng tàm dà lềng tiah đah mat tơngai lik, bơsong tam pìt tam phà mờ ală broă lơh ring lơngai jat tàm bơnàng jă Adat boh lam dunia dê, tàm hơ̆ geh UNCLOS nam 1982; ưn ngài lơgar Singapore kờñ Việt Nam tơlik mat mut tàm Ủy ƀan tiah nhàr tiah dà lềng tơngai lơh broă bơh nam 2023-2028, sồr lơgar Singapore pơn jat tai dong kờl Việt Nam tơlik mat mut tàm Ủy ƀan pháp lý mờ kỹ thuật gơ wèt anih lơh broă geh gơnap gơnoar tơr è dà lềng tơngai lơh broă bơh nam 2023- 2027.

Cau mblàng K’Hạnh