Đơs tàm dơ̆ đơng lam lơh broă, Củ tịc Quốk hội Vương Đình Huệ đơs tờm, broă yal Quốk hội sền wơl, ring bal rơndăp broă cih Adăt Càr lơgar (tam gơl) mờ pơgồp jơnau đơs bè Rơndăp ù tiah Càr lơgar, rơndăp broă lơh wơl Rơndăp ù tiah bal Càr lơgar tàm dùl Pơrjum bal geh ai gùng dà broă lơh kwơ màng ngan ai Càr lơgar bơtàu tơnguh.

Ală tơngu me do nàng lơh gơs adăt boh lam gùng dà broă lơh, jơnau kờñ, broă lơh dờng tàm ală Nghị quyết bơh Đảng, tàm hơ̆ uă ngan là Nghị quyết bơh Ƀộ Cíñ trị bè gùng dà, kơnòl broă bơtàu tơnguh Càr lơgar Hà Nội tus nam 2030, wèt tus nam 2045 mờ jơnau đơs sồr lơh bơh Tổng Ƀí thư Nguyễn Phú Trọng dê gơwèt mờ bơ̆t bơtàu, bơtàu tơnguh càr lơgar.