Đơs tàm dơ̆ lơh broă, Củ tịc Quôk hội Vương Đình Huệ đơs sùm, rơndăp broă lơh lơh sa mờ măi mok gah sền gàr Dà lơgar, lơngap lơngai mờ pơndờm pơnđiang cau lơh broă gah lơh sa mờ măi mok là rơndăp broă lơh Adat geh gơtha kwơ màng uă ngan, geh uă gùng dà broă lơh krơi is, pơn rơ ngan nàng sơlơ tơnguh, bơt bơtàu mờ bơtàu tơnguh lơh sa mờ măi mok gah sền gàr Dà lơgar, lơngăp lơngai, ngui niam bơta ƀuơn, bơta pràn lơh sa bơh Dà lơgar dê. Rơndăp broă lơh Adat nàng kờñ lơh gơs ngan ngồn ală gùng dà broă lơh, Nghị quyết bơh Dà lơgar dê bè broă lơh ai lơh sa mờ măi mok gah sền gàr Dà lơgar, lơngăp lơngai in.

Củ tịc Quôk hội Vương Đình Huệ jờng rơ uă ngan anih lơh broă đơng lam cih jơnau mờ sền sơwì neh pơnđơl pràn lơh ngan lam lơh, iăt kơno jơnau đơs mờ lơh niam wơl rơndăp broă lơh Adat. Rơndăp broă lơh Adat là tŭ tơngai niam lơh geh ală bơta ai lơh sa mờ măi mok gah sền gàr Dà lơgar, lơngap lơngai in bơtàu tơnguh, ngan là tàm tơngai dunia geh uă bơta tam gơl bè tŭ do.