VOV4.K’ho- Mho mang ngai 20/07, tàm Hìu lơh broă Quôk hội, Củ tịc Quôk hội ồng Vương Đình Huệ wă Ƀí thư Đảng dà lơgar, Phó Ƀí thư Ƀan Cấp hàñ Đảng ƀộ Quôk hội lơgar Lào, Phó Củ tịc Quôk hội ồng Sounthone Xayachak, Củ tịc Mpồl Nghị sĩ lơh bơyô bal Việt Nam mờ Lào mờ Mpồl kwang bàng Quôk hội Lào tus còp mờ lơh broă tàm Việt Nam. Củ tịc Quôk hội ồng Vương Đình Huệ jờng rơ ngan dơ̆ lòt còp bơh Phó Củ tịc Quốk hội Lào dê geh bơyai lơh di 2 lơgar bơyai lơh tơngkah 60 nam Ngai lơh bơta gĭt gơ̆p cribơyai lơh broă mờ lơgar ndai. Củ tịc Quôk hội ồng Vương Đình Huệ đơs niam ngan nùs nhơm pơnđơl pràn lơh ngan tam gơl pa bơh lơgar Lào dê tàm tơngai pa do.

Tàm dơ̆ wă, Củ tịc Quôk hội ồng Vương Đình Huệ mờ Phó Củ tịc Quôk hội Lào ring bal, tàm tơngai tus, 2 gah sơlơ tơnguh cribơyai mpồl kwang bàng ală kấp, ală ủy ƀan, ală mpồl Nghị sỹ lơh bơyô bal, Hội đồng Ñân zân ală tiah, ngan là ală càr lơh oh mi bal, nàng kờñ tam pà bal bơta mờng chài tàm broă lơh lơh adat boh lam, jat sền mờ lơh nền ală broă dờng màng bơh dà lơgar dê. Củ tịc Quôk hội ồng Vương Đình Huệ đơs ngan, Quôk hội Việt Nam geh lơh jơh bơta pràn he dê nàng 2 Quôk hội in tam pà bal bơta mờng chài bal mờ gơ̆p; mơkung kơ̆p kờñ bơtàu tơnguh bơta gĭt gơ̆p đah Quôk hội 2 lơgar dê di pal mờ bơta gĭt gơ̆p kwơ màng đah 2 lơgar, gơ gơs là broă lơh lam lài bè lơh broă bal Nghị viện.

Cau mblàng K’Hạnh