VOV4.K’ho- Drim ngai 14/4, tàm Hìu lơh broă Quôk hội, mut pơrjum dơ̆ 10 bơh Ủy ƀan Thường vụ Quôk hội dê. Đơs mut pơrjum, Củ tịc Quôk hội ồng Vương Đình Huệ pà git: tàm pơrjum, dùl tàm ală tơngume kuơmàng là Ủy ƀan Thường vụ Quôk hội geh ai jơnau đơs bè jơnau kờp dŭ Broă lơh gròi sền nam 2023; jơnau yal cồng nha gròi sền tơngume “Broă lam lơh broă lơh, adat boh lam bè broă rơndap ù tiah kờp bơh tŭ Adat rơndap ù tiah geh lam lơh jat ngan ngồn”.

Tàm pơrjum, Ủy ƀan Thường vụ Quôk hội ring bal bơ tơl broă lơh bơt bơtàu Adat boh lam, kơrnuat boh lam nam 2022, Nghị quyết bơh Quôk hội dê bè tơn jŏ tơngai ngui jơh Nghị quyết sồ 42; ring bal ngui rơndap sap sèng sră nggal tơrmù lơyah ring bal Nghị quyết tàm pơrjum nhai 5 nam do, tơngai ngui bơh Nghị quyết tơn jŏ tŭ tơngai ngui jơh Nghị quyết sồ 42 tus ngai 31/12/2023. Thường vụ Quôk hội sồr Cíñ phủ cih dờp ală jơnau đơs tă pơgồp, tam gơl, lơh sir jơnau yal tơn jơh lơh jat Nghị quyết sồ 42 bơh Quôk hội dê mờ sră nggal ai tơlik sồr pơyua ală anih lơh broă bơh Quôk hội dê mờ ală anih lơh broă sền sơ wì.

Cau mblàng K’Duẩn