Củ tịc Quôk hội ồng Vương Đình Huệ jơh nùs ưn ngài Đảng, Dà lơgar Cuba neh ai bơta pơn iờ să là nac jà lơgar ndai sơn rờp geh đơs tềng đap Quôk hội gơnoar atbồ làng bol Cuba, tơnơ̆ tŭ Quôk hội khoă X pồ Mpồl đơng lam bồ pa bơh Dà lơgar Cuba tơngai lơh broă bơh nam 2023 tus nam 2028.

Củ tịc Quôk hội đơs nền, tus tŭ do sơrlèt gan uă kal ke, bơta kơryan kơn jơ̆ kơn jut, trồ tiah lơh aniai, kòp bơ tờp, Cuba neh lơh geh uă cồng nha niam tàm broă lam lơh “dờp git broă lơh lơh sa”. Tŭ tơngai tàm pơrlòng dunia gam gơlik geh kal ke, bơta do sồr 2 lơgar pal tam klac, lơh broă bal jơh nùs, gàr kơ̆ kơrnuat lơh tờm is, lơh broă bal ring bal. Bơh nùs nhơm tàm pơ gơl, bơsram bal mờ gơp, Củ tịc Quôk hội ồng Vương Đình Huệ neh tam pà 6 tơngume tờm bè tam gơl pa, tơnguh rlau tai bơta niam, cồng nha lơh broă bơh Quôk hội Việt Nam dê tàm tŭ tơngai pa. Tơn jơh dơ̆ pơrjum bal kuơmàng là jơnau đơs crih “Bè geh bác Hồ tàm ngai chờ pha lin dờng” bơh ală kơnòm bơsram lơgar Cuba dê đơs.