VOV4.K’ho- Mho ngai 19/05, tàm hìu lơh broă Quôk hội, Chủ tịc Quôk hội ồng Vương Đình Huệ neh wă Phó Củ tịc Kấp dờng Tập đoàn Boeing mơkung là Củ tịc drơng broă Boeing gùt plai ù ồng Michael Arthur.

Củ tịc Quốk hội ồng Vương Đình Huệ wă Phó Củ tịc kấp dờng Tập đoàn Boeing

Củ tịc Quôk hội ồng Vương Đình Huệ đơs niam ală broă lơh bơh Boeing dê tàm Việt Nam; tam pà bal mờ gah lơh broă rơndeh par dê đơs bal, ngan là ală cau lơh rơndeh par dờng bè Boeing neh gơtìp gơrềng tài bơh kòp Kovid-19; mơkung pin dờn, tơnơ̆ tŭ gròi sền jai kòp, Boeing geh bơta bơtàu tơnguh wơl sơr băc mhar, ngan là tàm tiah Đah Jum mat tơngai lik câu Á, tàm hơ̆ geh Việt Nam. Củ tịc Quôk hội ồng Vương Đình Huệ kơ̆p kờñ, Boeing pờ ơnàng bơta pràn bơh Cơl dŭ lơh broă ala mat tàm Việt Nam. jờng rơ mờ kờñ mờ broă rơndap lơh bơh Boeing dê lơh ală anih tờm Kơlôi sơnơng bơtàu tơnguh mờ dong kờl kỹ thuật tàm Việt Nam nàng lam lơh uă broă lơh bè bơto bơtê, kỹ thuật, lơh niam wơl rơndeh par; pin dờn Việt Nam geh là tiah tờm tàm ntrờn nàng Boeing in lơh tiah lơh broă jŏ jòng.

Cau mblàng K’Hạnh