VOV4.K’ho- Mho ngai 24/07, tàm Hà Nội, Củ tịc Quôk hội ồng Vương Đình Huệ neh tus bal Pơrjum Yal kơrnoăt bơh Ƀộ Cíñ trị dê mờ Kơrnoăt bơh Ủy ƀan Thường vụ Quôk hội dê bè broă lơh kwang bàng. Tàm pơrjum, Phó Kwang ătbồ Mpồl Rơndăp broă Dà lơgar, Kwang ătbồ Broă lơh kwang bàng ala măt mò Nguyễn Thị Thanh yal Kơrnoăt bơh Ƀộ Cíñ trị dê bè broă jàu ồng Ngô Văn Tuấn tơn jơh lơh broă tàm Ƀan Câp hàñ, Ƀan Thường vụ, tơn jơh lơh gơnoar broă Ƀí thư Tỉñ ủy Hoà Bình, Kwang ătbồ Mpồl kwang bàng Quôk hội càr Hoà Bình tus ăt gơnoar broă Ƀí thư Mpồl đơng lam Đảng Sền swì kờp dŭ priă jền Dà lơgar; Kơrnoăt bơh Ủy ƀan Thường vụ Quôk hội pồ ồng Ngô Văn Tuấn ăt gơnoar broă Phó Kwang ătbồ dờng Sền swì kờp dŭ priă jền Dà lơgar, jàu drơng kơnòl broă Sền swì kờp dŭ priă jền dà lơgar.

Đơs tàm dơ̆ pơrjum, Củ tịc Quôk hội ồng Vương Đình Huệ sồr ồng Ngô Văn Tuấn mhar gĭt broă lơh bơh gah lơh broă do dê, bal mờ jơh gùt Mpồl đơng lam Đảng, Đảng ủy, kwang đơng lam bồ Sền swì kờp dŭ priă jền Dà lơgar kràñ cê jơh nùs lam lơh jăt ală gơnoar broă, kơnòl broă geh jàu.

Cau mblàng Lơ Mu K’Yến