Củ tịc Quôk hội ồng Esteban Lazo Hernandez neh pơdơng bơkàu tềng đăp rùp mòn ƀồc ồng Fidel Castro tàm ƀlàng Hìu sơnơm Lơh bơyô bal Việt Nam mờ Cuba Đồng Hới, boh bơr mờ ală cau kòp gam sơm kòp tàm do, còp Khoa kòp kơnờm dềt mờ pà phan ală kơnòm dềt gơtìp kòp gam piam kòp tàm hìu sơnơm.

Boh bơr mờ cau kòp gam piam kòp tàm hìu sơnơm do, Củ tịc Quôk hội Gơnoar ătbồ Làng bol Cuba yal wơl dơ̆ lòt còp kah yau bơh Kwang đơng lam bồ lài do lơgar Cuba dê ồng Fidel Castro tàm tiah tơngklàs, ală nùs nhơm pơyua tus làng bol Việt Nam in. Củ tịc Quôk hội Gơnoar ătbồ Làng bol Cuba đơs sùm, Hìu sơnơm Lơh bơyô bal Việt Nam mờ Cuba Đồng Hới sùm sùm là rùp pơrya bơh nùs nhơm lơh bơyô bal, tam klăc bal đah 2 lơgar Việt Nam mờ Cuba in.